Google Earth é un programa informático similar a un Sistema de Información Xeográfica (SIG) . Creado pola empresa Keyhole e despois adquirido por Google e posto a disposición dos usuarios Combinando imaxes de satélite, mapas e o motor de busca de Google, permite ver imaxes en 3D a escala dun lugar específico do planeta.
Google Earth permíteche voar a calquera lugar da terra, ver imaxes de satélite, mapas, relevos, edificios 3D, street view (observar fotos esféricas a pe de rúa). Nas últimas versións tamén podes ver galaxias do espazo exterior e canons do océano. Podes explorar un amplo contido xeográfico, gardar os lugares que visites e compartilos con outras persoas.
Descarga e instalación do programa:
Pódese descargar e instalar na dirección seguinte:
Manexo de Google Earth
Primeiros pasos no manexo de Google Earth:A aplicación unha vez instalada e executada no noso computador abre unha ventá que podemos dividir en 6 zonas diferentes nas que teremos ferramentas, opcións, menús, etc.
ZONA 1
Na parte superior dereita aparece a ferramenta de compás que nos permite a navegación polo mapa. Con el apoderemos aumentar a escala, reducila; orientar o mapa ao norte, virar a vista e elevar o mapa en función do modelo do terreo.Outra opción, tanto para o zoom como para a inclinación e a navegación en xeral, é utilizar, se dispós del, o botón central do teu rato encima da imaxe da terra en Google Earth. Manténdoo pulsado conseguirás combinar todos os elementos de forma fluída.
ZONA 2
Contén interesante información útil para localizar e conseguir a máxima definición posible das imaxes que queiras ver. Nela atopamos, á esquerda, as coordenadas horizontais e verticais que indican a posición do punteiro do rato e na zona central, a altura do ollo na que formamos a imaxe e a dereita de todo atopamos un indicador de descarga. O 100% é a maior resolución posible para esa imaxe.
ZONA 3
atopamos as capas coa información contida na aplicación por defecto. Movéndote por ela atoparás diferentes datos que se poden activar ou desactivar mediante a súa selección no recadro da esquerda: fronteiras, capitais, estradas, accidentes xeográficos e un longo etc.ZONA 4
atopamos o cartafol de lugares. Aquí se irán depositando cada unha das novas marcas de posición que vaiades gardando. Está dividida en dúas partes: Os meus lugares, onde quedarán gardados os contidos entre diferentes sesións cando así o especifiquedes, e Lugares temporais, cartafol ao que irán as novas descargas e cuxo contido desaparecerá ao pechar Google Earth se non se moveron ao cartafol Os meus lugares.Zona 5
Atopamos interesantes ferramentas para a navegación, a máis destacada e Voar. Escribindo no recadro un nome dunha cidade, por ex., e facendo dobre click sobre el, Google Earth voará directamente ata alí.ZONA 6
Unha serie de ferramentas que nos permitirán realizar varias accións como publicar os mapas, engadir luz solar,etc, pero o máis importante son os botóns que nos permiten crear marcadores propios, xa sexan puntos, liñas, ou polígonos.
TITORIAIS E VIDEOTITORIAIS
EXEMPLO
Ruta de sendeirismo deseñada por Jennifer Dubra, alumna de 1º de ESO
Aquí tedes outro exemplo do que permite Google Earth: Unha visita guiada creada co programa en incrustada no blogue. É un percorrido polo río Tambre dende Chaián ata Portomouro.
